ئافره‌تێكی چل و شه‌ش ساڵ ژیانی بۆ به‌خێوكردنی چه‌ند ئاژه‌ڵێكی ترسناك ته‌رخانكردووه‌ و به‌ ژیان و خواردن و خه‌وی هاوبه‌ش له‌گه‌ڵ ئاژه‌ڵه‌كانیدا زۆر ئاسووده‌یه‌.

خاتوو (رایانا)ی 46 ساڵ، كه‌ پێشوتر كارمه‌ندێكی چالاك و ناسراوی وه‌زاره‌تی داد بووه‌ له‌ باشووری ئه‌فه‌ریقیا، به‌ هۆی حه‌ز و خولیای له‌ به‌خێوكردنی چه‌ند گیاندارێكی ترسناك وازی له‌ كاره‌كه‌ی هێناوه‌ و له‌ ساڵی 2006 خۆی خانه‌نشین كردووه‌.

رایانا ماوه‌ی سێ ساڵه‌ ژیانی خۆی

بۆ به‌خێوكردنی 4 پڵنگ، 5 شێر، 2 بێچووه‌ بڵنگ و 2 سه‌گ ته‌رخان كردووه‌.

له‌ لێدوانێكدا رایانا گووتویه‌تی: له‌گه‌ڵ ئه‌م ئاژه‌ڵانه‌دا، به‌ هیچ شێوه‌یه‌ك هه‌ست به‌ ترس ناكه‌م، له‌ ناخواردن و خه‌ودا پێكه‌وه‌ هاوبه‌شین، كه‌ به‌راستی له‌ خێزانێكی راسته‌قینه‌ ده‌چین، وا هه‌ستیش ده‌كه‌م من له‌ نێویاندا رۆڵی دایك ده‌گێڕم.

گووتیشی: ئه‌م كاره‌ی من له‌وه‌وه‌ سه‌رچاوه‌ی گرتووه‌، ئێستا ئه‌و جۆره‌ گیاندارانه‌ له‌ جیهاندا به‌ره‌و له‌ ناوچوون ده‌چن، بۆیه‌ ده‌مه‌وێت له‌م رێگه‌یه‌وه‌ پارێزگارییان لێبكه‌م.